What Wrong with Liverpool

မနေ့က ကစားသွားသည့် EPL Round 12 ပွဲစဉ်တွေထဲမှာ မထင်မှတ်ထားသည့် ရလဒ်တွေ ထွက်ပေါ်ခဲ့၏။ အမှတ်ပေး ဇယား ရပ်တည်မှု အပြောင်းအလဲတွေလည်း ထွက်ပေါ်လာခဲ့၏။ Chelsea အသင်း အနေဖြင့် Burnley ကို 0-2 ဖြင့် အနိုင်ယူပြီး အဆင့် 2 နေရာထိ တက်လှမ်း လာခဲ့၏။ West Ham အနေနဲ့ကတော့ ဦးဆောင်ဂိုး 2 ဂိုးထိ သွင်းယူထားနိုင်ခဲ့ပြီးမှ Bournemouth အသင်း၏ ချေပခြင်းကို ခံခဲ့ရပြီး 2-2 ဖြင့် သရေကျသွားခဲ့၏။

Brentford အနေဖြင့် Brighton ကို 2-1 ဖြင့် ရှုံးနိမ့်သွားခဲ့ရ၏။ 90+4 မိနစ်မှာ ရသည့် ပင်နယ်တီကိုသာ Igor Thiago သွင်းယူနိုင်ခဲ့မယ်ဆိုရင် သရေ တမှတ် ရယူနိုင်မှာ ဖြစ်ပေမယ့် လွဲချော်သွားခဲ့လေ၏။ တန်းတက် အသင်းတွေ ထဲမှာ ခြေစွာနေသည့် Sunderland အနေဖြင့် Fulham ကို 1-0 ဖြင့် ရှုံးနိမ့်လို့ သွားခဲ့ရ၏။

အမှတ်ပေး ဇယား အောက်ဆုံးက Wolves အနေနဲ့ကတော့ ဒီတပတ်မှာလည်း ဧည့်သည် Crystal Palace ကို 0-2 ဖြင့် ရှုံးနိမ့် သွားခဲ့ရလေ၏။ ယခု နိုင်ပွဲကြောင့် Crystal Palace အနေဖြင့် အဆင့် 4 နေရာထိ တက်လှမ်းလို့ လာခဲ့ပြီ ဖြစ်၏။

Anfield မှာ United တို့ ဟီးဟီးဟားဟား လုပ်ခဲ့ပြီးနောက်မှာ တခြားအသင်းတွေ၏ ဟီးဟီးဟားဟား လုပ်မှုကို Liverpool တို့ ကြုံနေရ၏။ Nottm Forest ကို အံ့အားသင့်ဖွယ် ရလဒ် 0-3 ဖြင့် ရှုံးနိမ့်သွားခဲ့ရ၏။ အမှတ်ပေး ဇယားမှာလည်း အဆင့် 11 နေရာထိ ရောက်ရှိသွားခဲ့ရလေ၏။

Liverpool ရှုံးလို့ အားကျမခံ လိုက်ရှုံးတာက Man City ဖြစ်၏။ New Castle ကို 2-1 ဖြင့် ရှုံးနိမ့်ပြီး အဆင့် 2 နေရာကိုပါ Chelsea ကို လွှဲပေးလိုက်ရလေ၏။ တန်းဆင်းဇုန် ဖိအားထဲ ကျရောက်နေသည့် Fulham, Nottm Forest တို့ အနေနဲ့ ဒီတပတ်မှာ ကိုယ်စီ နိုင်ပွဲတွေ ရသွားသဖြင့် ဖိအားတွေ အနည်းငယ် လျော့သွားခဲ့သည် ဆိုရပေလိမ့်မည်။

ဒီနေ့မှာ Super Sunday ၏ အကောင်းဆုံး ပွဲစဉ်ဟု ဆိုရမည့် Arsenal vs Tottenham Hotspur တို့၏ London Derby ကို ကြည့်ရှု ရမည် ဖြစ်၏။

(photos from Premier League Page)